2024 жылғы 4 сәуір, Алматы.
Freedom Finance Global компаниясы Astana International Exchange (AIX) биржасында CITIX Ltd компаниясының өтеуге кірістілігі жылдық 11% болатын 20 млн АҚШ долларлық облигацияларын орналастырды.
CITIX Ltd. компаниясы AdTech және Smart City салаларының түйіскен жерінде кешенді зияткерлік шешімдерді әзірлеуші болып табылады. Компания қаладағы инфрақұрылымды жақсарту бойынша инновациялық өнімдер жасайды және Қазақстанның цифрлық сыртқы жарнама нарығында көшбасшы болып табылады. CITIX Ltd. компаниясының смартбордтар желісі патенттелген меншікті EYWA бағдарламалық жасақтаманың басқаруында орналасқан.
100 млн АҚШ долларына арналған облигациялық бағдарлама шеңберінде шығарылған облигациялар AIX-тің ресми тізіміне CITIX1.0326 сауда кодымен енгізілді. Шығарылымның жалпы көлемі 20 млн АҚШ долларын құрайды, купондық сыйақы мөлшерлемесі тоқсан сайынғы төлем мерзімділігімен жылдық 11%-ды құрайды.
Облигациялар шығарылымының бүкіл көлемі кезекті рет болашағы бар жергілікті эмитенттердің шетел валютасындағы жоғары кірісті облигацияларына деген үлкен қызығушылық танытқан Freedom Broker компаниясы 500-ден астам бөлшек сауда клиентінің арасында орналастырылғанын атап өткен жөн.
Бөлшек инвесторлардың портреті өзгермеген деуге болады. Салымшылардың гендерлік бөлінісі сақталады: әйелдердің үлесі бұрынғысынша 35%-ды, ерлер 65%-ды құрайды.
35-54 жас аралығындағы адамдар ирвесторлардың ең көп санын, яғни 58%-ды құрайды. Құрылымда екінші орында - 55 жастан асқан инвесторлар, олардың үлесі 33%-ды құрады. Үшінші топтың клиенттері 19-дан 34 жасқа дейінгі инвесторлар, яғни жалпы санының 9%-ын құрады.
Бұл CITIX Ltd. компаниясының екінші шығарылымы - 2023 жылы AIX-те CITIX.0625 тикері бар және көлемі 10 млн АҚШ доллары болатын облигациялардың дебюттік шығарылымы Freedom Broker компаниясының клиенттеріне толық орналастырылды.
Облигацияларды орналастырудан тартылған ақша қаражатын CITIX Ltd. компаниясы Түркия мен БАӘ-дегі бизнесті кеңейтуге жібереді.
Анықтамалық ақпарат:
Freedom Finance Global - бөлшек инвесторларға қызмет көрсетуге маманданған жаңа мүмкіндіктері бар брокер . Компания АХҚО-да тіркелген, AFSA лицензиясы бар және қызметін ағылшын құқығының элементтерімен жүзеге асырады. Freedom Finance Global компаниясы клиенттерінің халықаралық қаржы нарықтарындағы (NYSE/NASDAQ, London Stock Exchange, HKEX, Frankfurt Stock Exchange), KASE-дегі және AIX-тегі биржалық операцияларға, сондай-ақ холдингтің ең танымал және сұранысы жоғары қызметі - бастапқы орналастыруға қатысуға тікелей шығуға мүмкіндіктері бар.
Компаниялар Freedom Holding Corp халықаралық инвестициялық тобына кіреді. Холдингтің акциялары Nasdaq Capital Market-те (2019 жылғы 15 қазаннан бастап) FRHC тикерімен орналастырылған. Оның қызметін Бағалы қағаздар және биржалар жөніндегі комиссия (SEC, АҚШ) реттейді.
CITIX Ltd. компаниясы блокчейн технологиясын және бірегей патенттелген бағдарламалық жасақтаманы пайдалана отырып, электрондық смартбордта жарнаманы орналастырады. CITIX Ltd. құрылған сәттен бастап Қазақстанда 110-нан астам смартборд орнатты, ал клиенттердің арасында Coca-Cola, Apple және Samsung сияқты брендтер бар.
БАҚ үшін байланыс деректері:
Рамина Фахрутдинова - «Фридом Финанс» АҚ Директорлар кеңесі төрағасының PR жөніндегі кеңесшісі
E-mail: [email protected]
