2023 ж. 11 қазан, Алматы қ.

*«Фридом Финанс» АҚ
1. 2023 жылдың 30 қыркүйегіндегі қорытынды активтер 2022 жылдың 31 желтоқсанымен салыстырғанда 144,2 млрд теңгеге (70,3%) ұлғайып, 349,4 млрд теңгеге жетті. Бұл өсімге бағалы қағаздар портфелінің 114,8 млрд теңгеге немесе 88,9%-ға ұлғаюы нәтижесінде қол жеткізу мүмкін болды.
2. 2022 жылдың 31 желтоқсанымен салыстырғанда міндеттемелер 107,3 млрд теңгеге немесе 125,9%-ға өсті. Бұл тікелей РЕПО бойынша операциялардың 113,4 млрд теңгеге немесе 149,7%-ға ұлғаюына байланысты.
3. Меншікті капитал 36,8 млрд теңгеге немесе 2022 жылдың 31 желтоқсанымен салыстырғанда 30,7%-ға өсті.
4. 2023 жылғы 30 қыркүйекте аяқталған тоқсандағы таза кіріс 2022 жылғы 30 қыркүйекте аяқталған осы тоқсандағы көрсеткішпен салыстырғанда 0,97 млрд теңгеге немесе 30,2%-ға ұлғайды. Бұл келесі көрсеткіштердің өсуіне байланысты:

а) өзгерістері пайда немесе залал құрамында көрсетілетін әділ құн бойынша бағаланатын қаржы активтері құнының өзгеруінен таза кірістер – 4,7 млрд теңгеге немесе 801,4%;
b) қаржы активтерін сатып алу-сатудан түскен таза кірістер – 1,2 млрд теңгеге немесе 131,9%;
с) шетел валютасымен операциялардан түскен кірістер – 0,8 млрд теңгеге немесе 733,1%.
d) операциялық шығыстар – 3,2 млрд теңгеге немесе 240,5%;
е) сыйақы төлеуге байланысты таза шығыстар – 2,4 млрд теңгеге немесе 242,1%.

Негізгі сандық көрсеткіштер:
1. Жарғылық капитал – 92,8 млрд теңге.
2. 2023 жылдың 1 қазанындағы шоттардың жалпы саны – 85 мыңнан астам.
3. 2023 жылғы үшінші тоқсандағы мәмілелер саны – 258 мыңнан астам.
4. 2023 жылдың 1 қазанындағы жағдай бойынша компания – Қазақстан қор биржасында сатылатын бағалы қағаздардың 104 атауы, Astana International Exchange-де 7 атауы бойынша ресми маркетмейкер.

** Freedom Finance Global PLC
2024 жылдың 2 тоқсанында компанияда 13 мыңнан астам шот ашылып, 2,9 млн астам мәміле жасалды. 2023 жылдың 1 қазанындағы жағдай бойынша ашылған шоттардың жалпы саны – 132 мыңнан астам, бағалы қағаздармен 14,5 миллионнан астам мәміле жүзеге асырылды.

*2023 жылдың үшінші тоқсанындағы негізгі қаржы көрсеткіштері жеке (шоғырландырылмаған) қаржылық есептіліктен.
** Фискалдық жылдың 2024 жылдың 2-тоқсанының қорытындылары.

Анықтама:
«Фридом Финанс» АҚ клиенттеріне KASE және AIX-те брокерлік қызмет көрсетуді, бағалы қағаздардың баға белгілеуін қолдау бойынша маркетмейкер қызметтерін, борыштық және үлестік қаржыландыруды ұйымдастыруды, қаржы консалтингі саласындағы қызметтерді ұсынады.

Freedom Finance Global PLC – бөлшек инвесторларға қызмет көрсетуге маманданған жаңа мүмкіндіктері бар брокер. Компания АХҚО-да тіркелген, AFSA лицензиясы бар және қызметін ағылшын құқығының элементтерімен жүзеге асырады. Freedom Finance Global PLC клиенттері халықаралық қаржы нарықтарында (NYSE/NASDAQ, London Stock Exchange, HKEX, Frankfurt Stock Exchange), KASE және AIX биржалық операцияларға, сондай-ақ холдингтің ең танымал және сұранысқа ие қызметіне - бастапқы орналастыруға қатысуға - тікелей қол жеткізе алады. 

Компаниялар Freedom Holding Corp. халықаралық инвестициялық тобына кіреді. Холдингтің акциялары Nasdaq Capital Market-те (15.10.2019 жылы) FRHC тикерімен орналастырылған. Freedom Holding Corp. қызметін Бағалы қағаздар және биржалар жөніндегі комиссия (SEC, АҚШ) реттейді.

БАҚ үшін байланыс деректері: 
Рамина Фахрутдинова – «Фридом Финанс» АҚ Директорлар кеңесі төрағасының PR жөніндегі кеңесшісі 
E-mail: [email protected]