Регламенттің және оған қосымшалардың жаңа редакциясының күшіне енуі туралы

Құрметті Клиент! 

2025 жылғы 3 қыркүйек бастап «Freedom Finance Global PLC» жария компаниясының (бұдан әрі – «Компания») бағалы қағаздар нарығындағы брокерлік (агенттік) қызметтерді көрсету жөніндегі Регламенттің (бұдан әрі – «Регламент»), сондай-ақ оған қосымшалардың жаңа редакциясы күшіне енеді. 

Регламентке 2A-1 қосымшасы жаңартылды (жеке тұлғаның сауалнамасы (тереңдетілген): 

· қызмет салаларының тізбесі қызметтің жаңа салаларымен (түрлерімен) толықтырылды; 

· негізгі табыс көзі туралы сұраққа жауаптар кеңейтілді; 

· қосымша азаматтық және салықтық резиденттік мәселелері қамтылған; 

· экономикалық профиль бөлімінің сұрақтары оңтайландырылды. 

Сондай-ақ, регламенттің негізгі мәтіні және Ахламентке №3 қосымша жаңартылды. Атап айтқанда, келесі өзгерістер енгізілді: 

· Регламенттің 6.8-тармағына банктік картаға қолма-қол емес тәсілмен ақша аудару мерзімдерін нақтылауға қатысты өзгерістер енгізілді; 

· Регламенттің №3 Қосымшасының "Мәмілелерді жасау үшін алынатын өзге комиссиялар" II бөліміне "Фридом Банк Казахстан" АҚ банктік картасына және басқа банктердің карталарына қаражат шығару бойынша комиссиялар қосылды, сондай-ақ Регламенттің №14 Қосымшасына сәйкес "Цифрлық активтермен мәмілелерді ұйымдастыру қызметтері" шеңберінде берілетін тапсырмаларды орындау үшін комиссия енгізілді; 

· Сонымен қатар, терминологияны біріздендіруге бағытталған техникалық түзетулер мен нақтылаулар Регламент мәтініне енгізілді. 

Цифрлық активтермен мәмілелерді ұйымдастыруды көздейтін компанияның жаңа қызметіне қолжетімділікті ұсынудың басталуы туралы ақпарат қосымша хабарланатын болады. 

Регламенттің және оған қосымшалардың жаңартылған нұсқасымен Компанияның ресми сайтында таныса аласыз: https://ffin.global/ 

Сұрақтарыңыз болса, жеке менеджеріңізге немесе Қазақстан Республикасы аумағындағы мобильді телефондардан 7555 нөміріне хабарласуыңызды сұраймыз. 

Шетелден қоңырау шалу үшін: +7 (7172) 67-77-55.

Құрметпен, 

«Freedom Finance Global PLC» жария компаниясы