Алматы, Қазақстан

International Capital Market Association (ICMA) мүшелік комитетінің отырысында қабылданған шешімге сәйкес Freedom Finance Global компаниясы Қазақстанда және Орталық Азияда халықаралық қауымдастыққа бірінші толыққанды қатысушы болды.

ICMA – 70-тен астам елдің борыш нарықтарына қатысушыларды біріктіретін жарты ғасырлық тарихы бар ең ірі халықаралық өзін-өзі реттейтін қаржы нарығы ұйымы.
Бұл қадам Freedom Broker-ге өз қызметінде қолданылатын халықаралық практика стандарттарын жетілдіруге, ағымдағы нарықтық үрдістерге сәйкес келетін озық тәжірибені енгізуге мүмкіндік береді. Ол біздің еліміздегі капитал нарығы саласында табысты тәжірибеден өтуде. Мұның бәрі брокерге әлемдік сарапшылар қауымдастығының тең құқылы бөлігі болуға мүмкіндік береді.

Сергей Лукьянов, Freedom Finance Global компаниясы директорлар кеңесінің төрағасы:
«ICMA халықаралық кәсіби алаңына қосылу – Freedom Finance Global компаниясының стратегиялық дамуының тағы бір маңызды кезеңі. Қаржы нарығына жетекші қатысушылармен күш біріктіру арқылы біз капитал нарықтарының дүниежүзілік экожүйесіндегі рөлімізді нығайтамыз. Бұл серіктестік бүкіл әлем бойынша эмитенттермен, делдалдармен, активтерді басқарушылармен және инвесторлармен өзара әрекеттесу мүмкіндігін кеңейтеді, бұл бізге қаржы қауымдастығына барлық қатысушының игілігі үшін ең жақсы тәжірибелер мен инновацияларды қалыптастыруға үлес қосуға мүмкіндік береді».

Анықтама:

International Capital Market Association (ICMA) – бұл халықаралық капитал нарықтарының дамуына ықпал ететін жаһандық ұйым. Ол осы нарықтарда тиімді жұмыс істеуді, табысты тәжірибені және ашықтықты қамтамасыз ету үшін жұмыс істейді, қатысушыларға стандарттар мен ұсынымдар белгілейді. ICMA-ға мүшелер – банктер, инвестициялық компаниялар және басқа қаржы мекемелері. Қауымдастық сондай-ақ орнықты қаржыландыруды дамытуға және әртүрлі капитал нарықтары үшін нормативтік-құқықтық базаны жақсартуға белсенді қатысады.

БАҚ үшін байланыс деректері: [email protected]